Norbye på fjerdeplass i europacupslalåm
Kaja Norbye vart nummer fire i europacupslalåmen på torsdag i Hasliberg i Sveits. Briten Charlie Guest vann.
Guest var på sjuandeplass etter den første omgangen, tre hundredels sekund før Norbye på plassen bak, men den 26 år gamle briten køyrde best av alle i finaleomgangen og vann 12 hundredels sekund føre italienaren Marta Rossetti, som leidde etter første omgang.
Martina Peterlini sørgde for at det vart to italienarar på pallen. Ho tok tredjeplassen 0,28 sekund bak vinnaren, men 0,23 føre Norbye.
Maria Therese Tviberg vart nummer ni, Andrina Mårstøl 17, Tuva Norbye 19, Mariel Kufaas 20 og Kristina Riis-Johannessen 22.
Det er nytt renn i Hasliberg fredag.
(©NPK)
Kaja Norbye vart nummer fire i europacupslalåmen i Sveits torsdag. Foto: Thomas Brun / NTB scanpix
