Noreg tek til orde for å vurdere FN-sanksjonar mot Myanmar
På møtet i FNs tryggingsråd om Myanmar fredag tek Noreg til orde for at Tryggingsrådet bør vurdere sanksjonar mot militærregimet i Myanmar.
– Det finst i dag ikkje FN-sanksjonar mot Myanmar, men vi vil i møtet i Tryggingsrådet i dag ta til orde for at rådet bør vurdere dette. EU har vedteke restriktive tiltak som Noreg har slutta opp om og gjennomført i norsk rett, seier utanriksminister Ine Eriksen Søreide (H) i ein e-post til NTB.
Ho viser til at Noreg ikkje har tradisjon for å innføre unilaterale sanksjonar mot andre statar.
– Haldninga vår er at sanksjonar og restriktive tiltak er mest effektive når desse har brei internasjonal støtte, seier Søreide.
(©NPK)
Demonstrantar markerer drapet på ein ung demonstrant i Myanmar. Foto: AP
