NRK mistar skøyterettane til NENT
Det blir ikkje noko direkte overføringar frå skøyter på NRK dei næraste åra. NENT Group har sikra seg rettane.
- Etter å ha sikra oss skirettane tidlegare i år er det sjølvsagt ekstra gøy å erverve ytterlegare vintersportsrettar med kunstløp og skøyter, ei idrettsgrein med historiske røter i Noreg, seier Vegard Drogseth, administrerande direktør i NENT Group Norge i ei pressemelding.
Ved sida av hurtigløp på skøyter har Nordic Entertainment Group òg sikra seg resten av rettane frå Det internasjonale skøyteforbundet (ISU).
Dette skal gå på NENT Groups kanalar dei fire neste sesongane:
Verdscup, VM og EM på skøyter, verdscup, VM og EM kortbaneløp på skøyter, VM og EM i kunstløp og synkronisert kunstløp og Grand Prix-stemner i kunstløp.
Det blir mellom anna på TV3 og Viaplay at ein kan følgje skøyter framover.
(©NPK)
Sverre Lunde Pedersen blir å sjå på NENT Group sine kanalar framover.
Foto: Terje Bendiksby / NTB scanpix
