Passasjerfly trefte lysmast på Oslo lufthamn
Eit passasjerfly frå Ethiopian Airlines med 75 passasjerar har treft ei lysmast på Oslo lufthamn. Ingen vart skadde i hendinga, men masta ligg over flyet.
- Masta må fjernast med kran før flyet kan flyttast, seier kommunikasjonssjef Kristian Løksa i Avinor til NTB.
Hendinga skjedde klokka 19.10 tysdag kveld.
- Flyet var klar til avgang då vengja kom borti lysmasta. Passasjerane er no frakta tilbake til terminalen med buss. Flyet blir ståande, og passasjerane må nok reise med eit anna fly, seier Løksa til NTB rett etter klokka 20 tysdag.
Flyet var på veg til Stockholm då uhellet skjedde, og det skulle etter planen fly vidare til Addis Abeba klokka 20.50.
(©NPK)
