Pengebruken til Foreningen for barnepalliasjon skal undersøkjast – igjen
Pengebruken til Foreningen for barnepalliasjon skal endå ein gong granskast. Denne gongen er det Lotteri- og stiftelsestilsynet som skal granske stiftinga.
Foreininga står bak barnehospice-senteret Andreas hus. Tidlegare i januar sende Helsedirektoratet eit varsel til stiftinga med krav om å betale tilbake eit tosifra millionbeløp. Det skjedde etter at direktoratet og konsulentselskapet PwC la fram ein rapport.
– Vi venta på resultatet av granskinga til Helsedirektoratet og PwC. Etter å ha lese rapporten frå PwC, er det naturleg at vi også ber om dokumentasjon frå foreininga, seier seniorrådgivar Marianne Alværen Torset i Lotteri- og stiftelsestilsynet til Fædrelandsvennen.
Lotteri- og stiftelsestilsynet skal undersøkje korleis foreininga har forvalta rundt ein halv million kroner som dei fekk for å arrangere ein konferanse. Konferansen vart ikkje gjennomført på grunn av pandemien.
(©NPK)
Økonomistyringa til foreininga bak barnehospice-senteret Andreas hus skal endå ein gong undersøkjast. Foto: Tor Erik Schrøder / NTB
