Politiet krasja to gonger i trafikkaos på Askøy
Politiet i Bergen krasja to gonger i samband med trafikkaos på Askøy torsdag ettermiddag. Ein politimann vart køyrd til Haukeland universitetssjukehus.
Politiet rykte ut i samband med ei trafikkulykke på Askøybroen rundt klokka 15.30, skriv Bergensavisen.
På veg til brua velta ein politimann på motorsykkel i Lyderhorntunnelen. Han vart deretter køyrd til Haukeland universitetssjukehus med ukjent skadeomfang.
Denne trafikkulykka medførte endå ei utrykking frå politiet. Ein av politibilane på veg til ulykkesstaden kolliderte med ein personbil like utanfor tunnelen. Ingen personar vart skadde, men begge bilane vart taua bort.
Begge kollisjonane er rutinemessig meldt til Spesialeininga for politisaker.
(©NPK)
