Pompeo møter Stoltenberg etter Tyrkia-besøk
Utanriksministeren i USA, Mike Pompeo, skal møte NATO-sjef Jens Stoltenberg fredag og orientere om besøket sitt i Tyrkia denne veka.
Pompeo besøkte Tyrkia som ein del av den amerikanske innsatsen for å forhandle fram ein fem dagar lang våpenkvile i Nord-Syria. Etter at amerikanske styrkar vart trekte tilbake, har Tyrkia innleidd ein offensiv mot kurdiskkontrollerte område.
Fleire NATO-land har fordømt militæraksjonen til Tyrkia og har gått til det uvanlege skritt å innføre våpenembargo mot ein alliert. Stoltenberg har bedt Tyrkia vere tilbakehaldne og har uttrykt bekymring for ytterlegare destabilisering i Syria.
Det er venta at Stoltenberg og Pompeo vil komme med ei kort fråsegn fredag kveld.
(©NPK)
Mike Pompeo (t.v.) besøkte nyleg Tyrkia saman med visepresident Mike Pence. Fredag skal Pompeo orientere Jens Stoltenberg om besøket. Arkivfoto: Burhan Ozbilici / AP / NTB scanpix