PST åtvarar om at barn kan utgjere ein terrortrussel
PST åtvarar i ny rapport om at enkelte barn trass i svært låg alder kan tileigne seg kapasitet å planleggje og gjennomføre terror.
På nettsidene sine skriv Politiets tryggingsteneste (PST) fredag kveld at dei heilt sidan 2014 har sett ei slik utvikling og at dei ventar å sjå meir av dette i tida framover.
– Det er viktig at dei som er tett på barn og unge, kjenner til denne utviklinga og tipsar PST eller politiet. Tipsa er heilt avgjerande for avklaring av bekymringar, skriv tryggingstenesta.
