Raudt vil nekte eks-politikarar fri tilgang til Stortinget

Tidlegare stortingsrepresentantar som har som jobb å påverke politikarar, har fri tilgang til Stortinget. Raudt foreslår å ta frå dei inngangskortet.

– Det er eit demokratisk problem at tidlegare stortingsrepresentantar har ein særskild tilgang til parlamentet, seier Raudt-leiar Bjørnar Moxnes.

Han meiner ordninga fungerer som eit «gullkort for lobbyistar.»

Minst 50 tidlegare stortingsrepresentantar jobbar som lobbyistar, PR-rådgivarar eller har som ein del av arbeidsoppgåvene sine å påverke norsk politikk, ifølgje VG.

Moxnes understrekar at han ikkje vil nekte tidlegare representantar tilgang til Stortinget.

– Forslaget vårt vil berre bety at dei må følgje vanlege rutinar for registrering og tryggleik, og takast imot av tilsette eller sitjande representantar i den gamle partigruppa si, seier han.

Også fleire andre parti reagerer på ordninga. Stortingspresident Masud Gharahkhani har varsla ein full gjennomgang av ordninga over sommaren, ifølgje Dagens Næringsliv.

(©NPK)

Tidlegare stortingspolitikarar kan miste moglegheita til å komme og gå på Løvebakken som dei vil. Fleire parti vil vurdere åtgangsreglane, og Raudt foreslår no å ta frå eks-politikarar nøkkelkortet.
Arkivfoto: Håkon Mosvold Larsen / NTB

ANNONSE
Annonse
ANNONSE
Annonse