Real Madrid utan nøkkelspelar mot Chelsea

Det er ein tung smell for det spanske storlaget, som også har hatt kaptein Sergio Ramos ute med skade i ein periode. Sistnemnde kan kanskje spele i London. Det melder avisa Marca.

Eder Militão og Nacho Hernandez kan danne midtforsvaret mot Chelsea. Dei klarte seg godt då Varane nyleg var fråverande på grunn av ein positiv koronatest.

Denne gongen er franskmannen ute med ein lårskade. Han gjekk av banen halvvegs i 2-0-sigeren i helga over Osasuna i La Liga.

Det enda 1–1 i det første semifinaleoppgjeret i Madrid. Dermed vil Chelsea avansere til finalen med 0–0 eller siger i heimekampen på onsdag.

(©NPK)

Raphaël Varane blir ikkje klar til den viktige kampen mot Chelsea. Foto: Bernat Armangue / AP / NTB