Russland opnar for unntakstilstand
Den russiske nasjonalforsamlinga har vedteke å gi statsminister Mikhail Misjustin fullmakt til å erklære unntakstilstand på grunn av koronaviruspandemien.
Misjustin får makt til å innføre alarmberedskap eller unntakstilstand for heile Russland eller delar av landet.
Lovendringa vart vedteke både i underhuset og overhuset tysdag. President Vladimir Putin må signere vedtaket før det kan tre i kraft.
Moskva-ordførar Sergej Sobjanin gav søndag innbyggjarane i byen ordre om å halde seg innandørs frå måndag morgon av.
Måndag oppmoda Misjustin resten av landet til å gjere det same. Tysdag hadde halvparten av regionane følgt oppmodinga hans.
(©NPK)