SAS-meklinga inn i dei avgjerande timane
Torsdag kveld går meklinga for pilotane i SAS inn i dei siste timane. Inntil 60.000 passasjerar kan bli direkte ramma om partane ikkje blir samde.
Tre av fire SAS-fly kan bli ståande på bakken om lønnsmeklinga mellom SAS og pilotane ikkje kjem i mål innan fristen ved midnatt til fredag - eller på overtid.
Mellom 50.000 og 60.000 passasjerar vil bli direkte rørte av ein slik streik, anslår kommunikasjonssjef Knut Morten Johansen i SAS overfor E24.
- Dei som ikkje blir omfatta av den kollektivavtalen det no blir mekla om, vil framleis fly. Så det er ein del fly som faktisk går. Ruter som blir flogne av partnarar av SAS og dotterselskapet SAIL, med basar i London og Malaga, vil framleis fly. I tillegg vil pilotar som i morgon ikkje er fysisk lokalisert på heimebasen sin, få fly heimover, seier kommunikasjonssjefen.
Partane er samla hos Riksmeklaren i Oslo.
- Vi er ute etter ei løysing, sjølvsagt. Det håper vi òg SAS er, sa leiar Jan Levi Skogvang i Scandinavian Norge flygerforening i Parat til NTB før meklinga.
(©NPK)
Meklinga gjeld pilotar i SAS. Illustrasjonsfoto: Vidar Ruud / NTB scanpix
