Sogndal-kapteinen ute i åtte veker
Midtbanetalentet i Sogndal, Sivert Mannsverk (18), som har vore sterkt kopla til Rosenborg, er operert i ankelen og mistar dei første vekene av fotballsesongen.
Sogndal skriv at Mannsverk har vore plaga av ankelproblem i lang tid.
– Operasjonen var vellukka, og det er venta at Sivert er ute i cirka åtte veker, opplyser klubben.
Sogndal serieopnar mot Ull/Kisa 15. mai og skal i alt spele sju 1.-divisjonskampar dei neste åtte vekene.
Tenåringen Mannsverk leverte ein svært god sesong for Sogndal i fjor og skal ha vore jakta av fleire større klubbar. Rosenborg la visstnok inn fleire millionbod på spelaren i vinter.
– Vi har ikkje gitt opp Sivert Mannsverk i Sogndal, men det ser ut som eit langt lerret å bleikje, sa RBK-trenar Åge Hareide til Adresseavisen i mars.
(©NPK)
Sogndal-kaptein Sivert Mannsverk går glipp av fleire kampar i sesongstarten. Foto: Annika Byrde / NTB