Søviknes: – Frp må bli det klaraste opposisjonspartiet
Sjølv om Frp ligg an til å få det dårlegaste valresultatet sidan 1993, er andre nestleiar Terje Søviknes likevel godt nøgd med valkampen til partiet.
– Vi håpar på høgast mogleg resultat, men vi starta valkampen på 7-talet. At vi no er på 10,9 prosent hos TV 2 og 12 prosent hos NRK, er mykje betre enn utgangspunktet, så vi må òg vere fornøgd, seier Søviknes til TV 2.
Samtidig understrekar han at det framleis er mange stemmer igjen å telje opp, og at han trur Frps resultat kan betrast utover valkvelden.
– Vi hadde god vind i segla dei siste vekene av valkampen, og det kan gi utslag i stemmer, meiner Søviknes.
– Men det er klart at vi no må bli det klaraste opposisjonspartiet fram mot 2025, seier han.
(©NPK)
Terje Søviknes er på plass på valvaken til Framstegspartiet på Hotel Bristol. Foto: Terje Pedersen / NTB