Statssekretær om sparkesykkel-ulykker: – Sjokkerande
Tala for ulykker med elsparkesyklar er sjokkerande, og slik kan det ikkje halde fram, seier statssekretær Ingelin Noresjø (KrF) i Samferdselsdepartementet.
Tysdag vart det kjent at det så langt i år er registrert 856 skadar med elsparkesykkel i Oslo, og mange av ulykkene skjer når førarane er alkoholpåverka, og i helgane.
– Det er tydeleg at folk ikkje forstår kor farleg det kan vere å køyre elsparkesykkel. Skadeomfanget seier sitt. Så sjølv om vi har stramma inn, jobbar vi vidare med nye innstrammingar. Men i tillegg til fleire reguleringar, handlar dette også om haldningar, seier Noresjø til NTB.
(©NPK)
Elsparkesyklar i Oslo sentrum. Foto: Beate Oma Dahle / NTB / NPK
