Svart diamant selt for 38 millionar kroner
Den største svarte diamanten i verda, «The Enigma», er seld for 3,2 millionar pund på ein auksjon i London.
Diamanten er på 555,55 karatar og blir antekne å ha vorte til då ein meteoritt eller ein asteroide trefte jorda for over 2,6 millionar år sidan, opplyser auksjonshuset Sotheby's, som hadde oppdraget med å selje han.
The Enigma er ifølgje Guinness World Record den største slipte diamanten i verda.
Det er ikkje kjent kven kjøparen eller seljaren er, men diamanten skal ha hatt same eigar dei siste 20 åra.
(©NPK)
Den svarte diamanten The Enigma blir vist fram av ein tilsett i auksjonshuset Sotheby's. Den svarte edelsteinen, som er den største slipte diamanten i verda, blei seld på ein auksjon i London onsdag. Foto: Kamran Jebreili / AP / NTB