Tilskodarrekorden blir knust i EM
Før opninga av fotball-EM for kvinner onsdag er det selt 517.000 billettar til kampane. Det er over dobbelt så mykje som den førre rekorden.
Vertsnasjon England møter Austerrike i opningskampen på gigantarenaen Old Trafford i Manchester. Den er utseld med 75.000 venta tilskodarar på tribunen.
Også finalen på nasjonalarenaen Wembley er utseld. Der skal 90.000 vere til stades ved kampen om kven som blir årets europameister.
Ifølgje Det europeiske fotballforbundet (Uefa) er det i alt hittil selt 517.000 billettar til sluttspelet. Den førre rekorden stod på 240.045 og vart sett i Nederland i 2017. Fire år før vart 216.888 billettar selde til EM-sluttspelet i Sverige.
– Kven hadde trudd det om ei kvinneturnering? Det er heilt fantastisk, seier sjefen for kvinnefotball i Uefa Nadine Kessler, ifølgje TT.
Noreg skal spele gruppespelkampane sine på i Southampton (plass til 32.000) og Brighton (31.800).
(©NPK)
I alt 517.000 billettar er selde til årets EM-sluttspel i fotball for kvinner.
Foto: Martin Solhaug Standal / NTB
