To til sjukehus etter kollisjon i Rana
To personar er sende til sjukehus etter ein kollisjon mellom ein trailer og ein personbil på E6 på Selfors i Rana kommune i Nordland.
– Det er ein trailer og ein personbil som er involvert. Han som køyrde traileren, verkar uskadd. Første melding var front mot front, men vi har ikkje heilt klarlagt hendingsgangen enno, seier operasjonsleiar Veronica Nylund i Nordland politidistrikt til VG.
To personar som sat i personbilen, er køyrde til sjukehus, ifølgje Rana Blad. Tilstanden deira er ikkje kjend.
Ulykka skjedde i 18.30-tida fredag.
(©NPK)
