Tryggingsrådet forlengde FNs mandat i Afghanistan
Tryggingsrådet vedtok fredag einstemmig å forlengje mandatet til FNs kontor i Afghanistan (UNAMA) med seks månader til.
Det gjeldande mandatet gjekk i utgangspunktet ut fredag, men vil no vare til midten av mars neste år, opplyser den norske FN-delegasjonen, som saman med Estland har leidd resolusjonsforhandlingane i Tryggingsrådet.
– Dette betyr at UNAMA vil halde oppe det noverande breie og fleksible mandatet, som inkluderer menneskerettar, «kvinner, fred og tryggleik» og humanitær bistand, skriv dei.
I uttalen heiter det at Tryggingsrådets medlemsland har vorte samde om å bruke det neste halvåret til å vurdere korleis UNAMA best kan støtte befolkninga i Afghanistan den kommande tida.
Utanriksminister Ine Eriksen Søreide (H) er glad for at forhandlingane enda i eit einstemmig vedtak.
– Det er stor uvisse omkring situasjonen i Afghanistan, men det er openbert at landet står overfor ei humanitær krise. Noreg fekk gjennomslag for å forlengje mandatet med seks månader, og ikkje tolv som normalt, fordi situasjonen er uoversiktleg og må vurderast på nytt, seier ho i ein kommentar til NTB.
(©NPK)
Utenriksminister Ine Eriksen Søreide (H) er glad for at forhandlingane enda i et einstemmig vedtak. Foto: Fredrik Hagen / NTB
