TV-aksjonen neste år går til Plan International Noreg
Inntektene frå TV-aksjonen på NRK neste år skal gå til Plan International Noreg og arbeid for å hindre at jenter blir gifta bort som barn i fem land.
Pengane skal brukast i landa Bangladesh, Niger, Nepal, Malawi og Mali, melder NRK.
– Når vi no har koronapandemien, betyr det at mange jenter blir sitjande heime og ikkje kjem seg ut. Dei blir det i større grad når dei òg blir gifta bort. Så problemstillinga er aktualisert på grunn av pandemien, sjølv om dette har vore eit utbreidd problem globalt i mange år, seier spesialrådgivar Erik Skarrud i Innsamlingsrådet.
Denne hausten går TV-aksjon til WWF og arbeid for å hindre plast i havet.
(©NPK)
