Ulv skoten i Flå
Ein ulv vart måndag skoten i Flå i Hallingdal. Ulven er truleg den same som tok sau og lam i Nesbyen og Flå i sommar.
Det opplyser Statsforvaltaren i Oslo og Viken, skriv Rovdyr.org, som er nettstaden til Folkeaksjonen ny rovdyrpolitikk.
Det er utskrive ein kvote på to ulvar i rovviltregion 2, som består av dei tidlegare fylka Buskerud, Vestfold, Telemark og Aust-Agder. Dermed er det no éin ulv igjen på kvoten i regionen.
(©NPK)