Utanriksministeren meiner Ukraina-funna til FN-kommisjonen er sjokkerande
Utanriksminister Anniken Huitfeldt (Ap) meiner funna til FN-kommisjonen som konkluderer med at det har skjedd krigsbrotsverk i Ukraina, er sjokkerande.
Det seier utanriksministeren til VG.
– Alle tilfelle av moglege krigsbrotsverk og overgrep mot sivile må etterforskast og dei ansvarlege bli stilte til ansvar, seier Huitfeldt.
FN-kommisjonen viser mellom anna til russiske angrep mot sivile område, mange avrettingar, tortur og seksuell vald.
– Basert på bevisa kommisjonen har samla, har den konkludert med at det er utført krigsbrotsverk i Ukraina, sa leiaren av kommisjonen, den norske juristen Erik Møse, fredag.
(©NPK)
Utanriksminister Anniken Huitfeldt (Ap) seier at alle tilfelle av moglege krigsbrotsverk og overgrep mot sivile må etterforskast. Foto: Håkon Mosvold Larsen / NTB