Uvêret stansar postlevering i Lofoten
Posten innstiller omberinga i heile Lofoten på grunn av uvêret som herjar landsdelen onsdag.
Dei ekstreme forholda i Lofoten gjer at alle bodruter i heile Lofoten er innstilte av tryggingsmessige grunnar.
Det seier distribusjonsleiar Stig-Arne Rasmussen i Posten/Lofoten til Lofotposten.
Dette gjeld Vågan, Hadsel, Vestvågøy, Flakstad og Moskenes og gjeld all post, pakkar og aviser.
Til VG seier Rasmussen at dei heller ikkje kjem til å levere post på øyane utanfor Harstad eller på yttersida av Senja.
– I Vesterålen prøver vi å levere, men det kan bli stopp på kort varsel. Vi gjer løpande vurderingar. Under så ekstreme forhold må tryggleiken komme først, seier han til avisa.
(©NPK)